ഇന്റർനെറ്റ് ഇല്ലാത്ത ഒരു ലോകത്തെ നിങ്ങൾക്ക് സങ്കൽപ്പിക്കാൻ കഴിയുമോ? ഒരു വഴിയുമില്ല!! ഇന്‍റര്‍നെറ്റ് ഇല്ലാതെ നമുക്ക് ജീവിക്കാൻ വളരെ ബുദ്ധിമുട്ടാണ്. ലോകവുമായി ബന്ധപ്പെടാൻ, ജോലി ചെയ്യാൻ, വിനോദത്തിന്, എല്ലാത്തിനും ഇന്‍റര്‍നെറ്റ് ആവശ്യമാണ്.
ഇന്‍റര്‍നെറ്റിനായി ഒരു പ്രത്യേക ദിവസമുണ്ടെന്ന് നിങ്ങൾക്കറിയാമോ? ഒക്ടോബർ 29 അന്താരാഷ്ട്ര ഇന്‍റര്‍നെറ്റ് ദിനമായി ആചരിക്കുന്നു.
എന്താണ് ഈ ദിവസത്തിന്റെ പ്രത്യേകത?
ടെലികമ്മ്യൂണിക്കേഷൻസിന്റെയും സാങ്കേതികവിദ്യയുടെയും ചരിത്രത്തിലെ സുപ്രധാനമായ ഒരു ദിനത്തെ അനുസ്മരിക്കുന്നതിനാണ് ഈ ദിനം ആചരിക്കുന്നത്. 1969-ൽ ഒക്ടോബർ 29നാണ് യു‌സി‌എൽ‌എയിലെ പ്രൊഫസർ ലെൻ ക്ലെൻ‌റോക്കും സംഘവും കമ്പ്യൂട്ടറുകളുടെ ശൃംഖലയിലൂടെ ആദ്യത്തെ സന്ദേശം അയയ്‌ക്കുന്നത്. ഈ സംഭവത്തിന്റെ സ്മരണയ്ക്കായി, 2005 ഒക്ടോബർ 29 ന് ആദ്യമായി അന്താരാഷ്ട്ര ഇന്റർനെറ്റ് ദിനം ആചരിച്ചു.
ലിയോനാർഡ് ക്ലീൻറോക്ക്
അമേരിക്കൻ കമ്പ്യൂട്ടർ ശാസ്ത്രജ്ഞനായ ലിയോനാർഡ് ക്ലീൻറോക്ക്, പാക്കറ്റ് സ്വിച്ചിംഗിന് ഗണിതശാസ്ത്ര സിദ്ധാന്തം വികസിപ്പിച്ചത് വഴി പ്രശസ്തനായ വ്യക്തിയാണ്. നെറ്റ്‌വർക്കിലെ രണ്ട് കമ്പ്യൂട്ടറുകൾക്കിടയിൽ ആദ്യത്തെ സന്ദേശം അയച്ച ആദ്യ വ്യക്തിയായ അദ്ദേഹം ഇന്റർനെറ്റിന്റെ അടിസ്ഥാനമായി മാറിയ ARPANET എന്ന ശൃംഖലയുടെ വികസനത്തിൽ പ്രധാന പങ്ക് വഹിച്ചിട്ടുണ്ട്.
കമ്പ്യൂട്ടറുകളുടെ ശൃംഖലയിലൂടെ അയച്ച ആദ്യ സന്ദേശം എന്താണെന്ന് അറിയാമോ?..ലോ. (Lo..)
ലിയനാർഡ് ക്ലീൻറോക്കിന്റെ കമ്പ്യൂട്ടറിൽ നിന്ന് അർപാനെറ്റിലൂടെ ആദ്യ സന്ദേശം അയച്ചത് ചാർലി ക്ലൈൻ എന്ന വിദ്യാർത്ഥി പ്രോഗ്രാമറാണ്, . യഥാർത്ഥത്തിൽ ഉദ്ദേശിച്ച സന്ദേശ വാചകം "ലോഗിൻ" എന്നത് ആയിരുന്നു. "L", "o" എന്നീ അക്ഷരങ്ങൾ കൈമാറ്റം ചെയ്യപ്പെട്ടു. അതിനുശേഷം സിസ്റ്റം തകരാറിലായി. അതിനാൽ ചരിത്രപരമായി ARPANET വഴി അയച്ച ആദ്യത്തെ സന്ദേശം "ലോ" എന്ന് അടയാളപ്പെടുത്തിയിരിക്കുന്നു.
ഏകദേശം ഒരു മണിക്കൂറിന് ശേഷം പ്രശ്നം പരിഹരിച്ചു, പൂർണ്ണമായ "ലോഗിൻ" സന്ദേശം അയയ്ക്കാൻ ക്ലൈനിന് വിജയകരമായി കഴിഞ്ഞു.
No comments:
Post a Comment